Moldova Avropa İttifaqı Şurasının Rusiyaya qarşı fərdi sanksiyalarına qoşulub.
Sumqayit.tv xəbər verir ki, müvafiq sərəncamı baş nazirin müavini, xarici işlər və Avropaya inteqrasiya naziri Nikolae Popesku imzalayıb.
Sənəddə qeyd olunur ki, Moldova “Ukraynanın ərazi bütövlüyünə, suverenliyinə və müstəqilliyinə xələl gətirən və ya təhlükə yaradan hərəkətlərlə əlaqədar məhdudlaşdırıcı tədbirlərə dair” Aİ Şurasının 13 sentyabr 2023-cü il tarixli 2023/1767 Qərarına qoşulur.
Bu qərar Avropa Komissiyasının Moldovanın Aİ-yə daxil olması ilə bağlı danışıqların başlanması ilə bağlı hesabatında Kişinyovu Rusiyaya qarşı bir sıra Avropa sanksiyalarına qoşulmağa çağırmasından sonra qəbul edilib. Aİ-nin qara siyahısında demək olar ki, Rusiyada və ona bağlı olan 1800 fiziki və hüquqi şəxs var. Onlar səyahət məhdudiyyətlərinə, aktivlərin dondurulmasına və vəsaitlərin və ya digər iqtisadi resursların verilməsinə qadağalara məruz qalırlar.
Qeyd edək ki, bundan əvvəl Moldova Rusiyanın bank sisteminə qarşı sanksiyalara qoşulub, Rusiya ilə birbaşa uçuşlar dayandırılıb. Digər məhdudiyyətlərə qoşulub-qoşulmamaq barədə qərar Moldovaya iqtisadi təsir baxımından təhlil edildikdən sonra qəbul ediləcək.
Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Rusiya Moldova rəhbərliyinin anti-Rusiya Aİ sanksiyalarına qoşulmaq qərarını növbəti düşmən addımı kimi qiymətləndirir.