Azərbaycanda narkotik vasitələrin qanunsuz dövriyyəsinə qarşı mübarizə istiqamətində həyata keçirilən tədbirlər davam edir.
Sumqayit.tv xəbər verir ki, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının açıqladığı məlumata əsasən, hazırda ölkə üzrə metadonla əvəzedici müalicə proqramı çərçivəsində 694 nəfər müalicə alır.
Müalicə alanlardan 122 nəfəri Sumqayıt Narkoloji Mərkəzində qeydiyyatdadır. Qalan pasiyentlərin 279-u Respublika Narkoloji Mərkəzində, 293-ü isə QİÇS-lə Mübarizə Mərkəzində müalicə olunur.
Hesabat dövründə ölkə üzrə narkotik istifadəsinin müəyyənləşdirilməsi məqsədilə tibbi müayinədən keçirilən 2740 nəfərdən 1301 nəfərinin narkotik istifadəçisi olduğu müəyyən edilib.
Dövlət Komissiyasının məlumatına görə, 2026-cı ilin ilk beş ayı ərzində narkotik vasitələrin qanunsuz dövriyyəsi ilə bağlı ümumilikdə 3766 cinayət faktı aşkarlanıb. Bu müddətdə hüquq-mühafizə orqanları tərəfindən 4 tondan artıq narkotik vasitə və psixotrop maddə qanunsuz dövriyyədən çıxarılıb.
Qeyd edək ki, narkotik asılılığından əziyyət çəkən şəxslərin reabilitasiyası və müalicəsi istiqamətində Sumqayıtda da müvafiq xidmətlər göstərilir.
Bu gün, 16:06
10
