ABŞ prezidenti Donald Trampın etibarlı şəxsi İtaliya mətbuatında və sosial mediasında Amerika liderinə qarşı böhtan və təhqiramiz kampaniya ilə bağlı "dosye" tərtib etməyə başlayıb.
Musavat.com xəbər verir ki, məlumatı "Corriere della Sera" qəzeti yayıb.
Bildirilir ki, məlumat Ağ Evə, eləcə də ABŞ Dövlət Departamentinə və Ədliyyə Nazirliyinə ötürüləcək və onlar Trampın imicinə dəyən ziyanı qiymətləndirəcəklər.
ABŞ prezidentinin qlobal tərəfdaşlıq üzrə xüsusi nümayəndəsi, İtaliyada anadan olmuş Paolo Zampolli İtaliyadakı vəkilinə İtaliya baş naziri Corcio Meloni ilə mübahisəsindən sonra Trampı və onun ətrafındakıları nüfuzdan salmaq üçün sosial mediada və əsas mediada təşkil edilən kampaniya haqqında hesabat hazırlamağı tapşırıb.
Qəzetin sitat gətirdiyi kimi, mediada gərginliyin artmasına səbəb olan və İtaliya ilə ABŞ arasında ticarət və siyasi münasibətlərə zərər vurmaqla hədələyən "nifrət kampaniyası" başlayıb. Zampollinin sözlərinə görə, bu, həm fərdlərin, həm də dövlət qurumlarının imicinə xələl gətirən yalan, təsdiqlənməmiş məlumatların yayılmasını nəzərdə tutur.
Bu gün, 09:44
7
