Özbəkistanda diplomatik missiyasını başa vuran Azərbaycanın fövqəladə və səlahiyyətli səfiri Hüseyn Quliyev yüksək dövlət mükafatları ilə təltif edilib.
Sumqayit.tv xəbər verir ki, Prezident İlham Əliyevin imzaladığı Sərəncama əsasən, Hüseyn Quliyev Azərbaycanın diplomatik xidmət orqanlarında uzunmüddətli səmərəli fəaliyyətinə görə 1-ci dərəcəli "Vətənə xidmətə görə" ordeni ilə təltif olunub.
Bununla yanaşı, Özbəkistan Prezidenti Şavkat Mirziyoyev də iki ölkə arasında dostluq və əməkdaşlıq münasibətlərinin möhkəmləndirilməsinə verdiyi töhfələrə görə Hüseyn Quliyevi "Mehnat Shuhrati" ordeni ilə mükafatlandırıb.
Qeyd edək ki, Hüseyn Quliyev uzun illər Azərbaycan Respublikasının Özbəkistandakı səfiri kimi fəaliyyət göstərib və iki ölkə arasında siyasi, iqtisadi və humanitar əlaqələrin inkişafında iştirak edib.
Bu gün, 09:03
13
