Sumqayıt şəhəri Ceyranbatan qəsəbəsinin bəzi ərazilərində qaz təchizatı müvəqqəti dayandırılacaq.

Sumqayit.tv xəbər verir ki, bu barədə "Azəriqaz" İB-nin Sumqayıt Qaz İstismar Sahəsindən məlumat verilib.

Bildirilib ki, qəsəbə ərazisində diametri 89 millimetr olan qaz xəttində aşkar edilmiş sızmaların aradan qaldırılması məqsədilə iyunun 23-də saat 11:30-dan etibarən təmir-bərpa işləri aparılacaq.

Təmir işləri ilə əlaqədar olaraq 1200 abonentin qaz təchizatında müvəqqəti fasilə yaranacaq.

Qeyd olunub ki, təmir işləri başa çatdıqdan sonra abonentlərin qazla təminatı bərpa ediləcək.

Dünən, 10:05 25