Xocavənd rayon Əmirallar kənd tam orta məktəbinin sabiq direktoru Mərkəz Hüseynov məhkəmə tərəfindən təqsirli bilinib.

Sumqayit.tv xəbər verir ki, "Qafqazinfo"nun yaydığı məlumata görə, Sumqayıtda məskunlaşmış məktəb direktorunun 2023-cü ilədək ümumilikdə 71 min 301 manat büdcə vəsaitini mənimsədiyi müəyyən edilib.

İstintaqla məlum olub ki, Mərkəz Hüseynov işə çıxmayan müəllimlərin əməkhaqqı kartlarını özündə saxlayaraq həmin vəsaitləri nağdlaşdırıb. Bundan əlavə, evdə təhsilə cəlb edilən müəllimlər üçün ayrılan ödənişləri də mənimsədiyi bildirilib.

Onun barəsində Cinayət Məcəlləsinin 178.3.2 (külli miqdarda mənimsəmə) və 313-cü (vəzifə saxtakarlığı) maddələri ilə cinayət işi açılıb.

Məlumata görə, təqsirləndirilən şəxs istintaq dövründə dövlət büdcəsinə vurulmuş zərərin bir hissəsini ödəyib.

Sumqayıt Ağır Cinayətlər Məhkəməsinin hökmü ilə Mərkəz Hüseynov qeyd olunan maddələr üzrə təqsirli bilinib. Ona sınaq müddəti təyin edilməklə şərti cəza verilib.

Bu gün, 15:45 10