Şabranda bir nəfərin ölümü, 4 nəfərin xəsarət alması ilə nəticələnən yol qəzasına görə traktor sürücüsünə hökm oxunub.
Məlumata görə, hadisə 18 mart 2025-ci ildə Gəndob-Yalama avtomobil yolunun Şabran rayonu, Ağalıq kəndi ərazisində baş verib.
Sürücülük vəsiqəsi olmayan Qüdrət Əmirovun idarə etdiyi “MTZ 89.2” markalı traktor yolayrıcında “Yol verin” nişanının tələbini pozaraq əsas yola daxil olub və “VAZ 2106” markalı avtomobillə toqquşub.
Qəza nəticəsində avtomobilin sərnişini Gülmirə Aslanova hadisə yerində ölüb. Daha 4 nəfər müxtəlif dərəcəli xəsarətlər alıb.
Sumqayıt Ağır Cinayətlər Məhkəməsinin hökmü ilə Qüdrət Əmirov 6 il müddətinə azadlıqdan məhrum edilib və məhkəmə zalında həbs olunub.
Mənbə: Pravda.az
Bu gün, 11:59
8
