Dövlət hərraclarında növbəti satış tarixləri açıqlanıb və Sumqayıt da bu siyahıya daxil edilib.

Sumqayit.tv xəbər verir ki, İqtisadiyyat Nazirliyi yanında Əmlak Məsələləri Dövlət Xidmətinin yaydığı məlumata görə, ötən gün keçirilən hərracda 40 nəqliyyat vasitəsi satılıb. Bunun davamı olaraq aprel ayı ərzində daha geniş hərracların təşkili planlaşdırılır.

Belə ki, 7, 14, 21 və 28 aprel tarixlərində keçiriləcək növbəti hərraclara ümumilikdə 130 nəqliyyat vasitəsi və Bakı, Sumqayıt, eləcə də Şəki şəhərlərində yerləşən 3 daşınmaz əmlak çıxarılacaq.

Qurumdan bildirilib ki, hərraclarda iştirak etmək istəyən şəxslər əvvəlcədən seçim edərək prosesə qoşula bilərlər. Bunun üçün “emlak.gov.az” və “auksion.gov.az” internet resursları vasitəsilə təqdim olunan əmlak və nəqliyyat vasitələri ilə tanış olmaq mümkündür.

2-04-2026, 16:13 107