Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) bir sıra avtobus marşrutları üzrə müsabiqə qaliblərini müəyyən edib.
Sumqayit.tv xəbər verir ki, açıqlanan nəticələrə əsasən, Sumqayıt–Horadiz marşrutu üzrə keçirilən müsabiqənin qalibi fiziki şəxs Talıbov Polad Tahir oğlu olub.
Bildirilib ki, müsabiqə “Avtomobil nəqliyyatı haqqında” Qanuna və Nazirlər Kabinetinin müvafiq qərarı ilə təsdiqlənmiş qaydalara uyğun təşkil olunub.
Qeyd edilib ki, marşrut xətləri Azərbaycan Yerüstü Nəqliyyat Agentliyi tərəfindən mərhələli şəkildə müsabiqəyə təqdim olunur. Məqsəd sərnişindaşıma sahəsində xidmət keyfiyyətinin, təhlükəsizliyin və rahatlığın artırılması, eləcə də şəffaflığın təmin edilməsidir.
10-04-2026, 18:19
324
