Hər bir sakin xidmətlərə orta hesabla 500 manatdan çox xərcləyib
Bu ilin yanvar-aprel aylarında Azərbaycanda əhaliyə göstərilən ödənişli xidmətlərin ümumi dəyəri 5 milyard 159,9 milyon manat təşkil edib.
Sumqayit.tv xəbər verir ki, bu göstərici ötən ilin eyni dövrü ilə müqayisədə real ifadədə 8,4 faiz çoxdur.
Məlumata görə, hüquqi şəxslər tərəfindən əhaliyə 3 milyard 951,6 milyon manatlıq xidmət göstərilib ki, bu da ümumi xidmətlərin 76,6 faizini təşkil edib.
Bildirilib ki, 2026-cı ilin ilk 4 ayında ölkə üzrə hər bir sakin orta hesabla 502,6 manatlıq müxtəlif ödənişli xidmətlərdən istifadə edib. Bu göstərici ötən ilin müvafiq dövrü ilə müqayisədə nominal ifadədə 62,5 manat çoxdur.
Bu gün, 17:43
12
Digər xəbərlər
