Elə ki, yağış yağdı burada vəziyyət daha acınacaqlı olur.  Sumqayıt TV xəbər verir ki, söhbət Sumqayıt şəhərinin “Xəzər bağları” yaşayış massivindən gedir. Xüsusilə də massivin Nəsimi küçəsində yaşayan sakinlər yaranan problemlərdən daha çox əziyyət çəkirlər. Belə ki, yollar, evlər suyun əsirinə çevrilir. Qrunt suları ərazidə acınacaqlı vəziyyətin yaranmasına gətirib çıxarır. Bu da sakinlərə əlavə problemlər yaradır. Üstəlik ərazidə kanalizasiya sistemi də yoxdur.

Sumqayıt Sukanal İdarəsindən yaşayış massivinin Nəsimi küçəsində yaranan vəziyyətdən xəbərdar olduqlarını bildirdilər. Onu da dedilər ki, həmin ərazidə bu ilk belə hal deyil. Dəfələrlə belə hallar yaşansa da yaranan problem aradan aldırılıb. Amma bu da çıxış yolu deyil. Qeyd olundu ki, ərazidə yaranan qrunt sularının qarşısının alınması üçün proqram hazırlanacaq və mövcud çatışmazlıqlar aradan qaldırılacaq. Bu isə heç də yaxın müddətdə mümkün olmayacaq.

Bu da rəsmi qurumun cavabı.  Belə də isə sakinlərin səbr edib gözləməkdən başqa əlacları da qalmır.