İranın xarici işlər naziri Abbas Əraqçi bu gün axşam saatlarında kiçik bir məsləhətçi qrupu ilə İslamabada gələcək.
Sumqayit.tv xəbər verir ki, bu barədə "Reuters" agentliyi Pakistan hökumətindəki mənbəyə istinadən məlumat yayıb.

Mənbənin bildirdiyinə görə, səfər çərçivəsində ABŞ ilə sülh danışıqlarının aparılması ehtimalı olduqca yüksəkdir.

Məlumatda həmçinin qeyd olunur ki, ABŞ-ın logistika və təhlükəsizlik üzrə mütəxəssislərdən ibarət qrupu artıq görüşə hazırlıq məqsədilə İslamabaddadır.

Bu görüş regional gərginliyin azaldılması və tərəflər arasında uzun müddətdir davam edən diplomatik durğunluğun aradan qaldırılması istiqamətində mühüm addım kimi qiymətləndirilir. Danışıqların təfərrüatları hələlik rəsmi şəkildə açıqlanmasa da, Pakistanın bu prosesdə vasitəçilik rolunu öz üzərinə götürdüyü bildirilir. /Musavat.com

24-04-2026, 16:39 319