Azərbaycanın Müstəqillik Günü münasibətilə bir sıra ölkələrin liderləri Prezident İlham Əliyevə təbrik məktubları ünvanlayıblar.

Sumqayit.tv  xəbər verir ki, Türkmənistan Prezidenti Sərdar Berdiməhəmmədov məktubunda Azərbaycanı sürətlə inkişaf edən və beynəlxalq əməkdaşlıqda mühüm rol oynayan dövlət kimi qiymətləndirib. O, Türkmənistan-Azərbaycan münasibətlərinin dostluq və qarşılıqlı anlaşma prinsipləri əsasında uğurla inkişaf etdiyini vurğulayıb.

Türkmən xalqının Milli Lideri Qurbanqulu Berdiməhəmmədov da təbrik məktubunda iki ölkə arasında əməkdaşlığın yüksək səviyyədə olduğunu qeyd edib və münasibətlərin bundan sonra da möhkəmlənəcəyinə əminliyini ifadə edib.

Kuba Prezidenti Migel Dias-Kanel Bermudes Azərbaycan xalqını milli bayram münasibətilə təbrik edərək, iki ölkə arasında münasibətlərin daha da inkişaf etdirilməsi istiqamətində fəaliyyətlərini davam etdirəcəklərini bildirib.

Tacikistan Prezidenti Emoməli Rəhmon isə Azərbaycanla strateji tərəfdaşlığın uğurla inkişaf etdiyini vurğulayaraq, əməkdaşlığın gələcəkdə daha da güclənəcəyinə inandığını qeyd edib.

Belarus Prezidenti Aleksandr Lukaşenko da təbrik məktubunda Azərbaycanın beynəlxalq nüfuzunun artdığını bildirib və Belarus-Azərbaycan strateji tərəfdaşlığının inkişafında maraqlı olduqlarını diqqətə çatdırıb.

Bu gün, 19:06 7