Azərbaycan şifahi xalq ədəbiyyatının və musiqi mədəniyyətinin ən köklü qollarından biri olan bayatılar, xalqın sevincini, kədərini və yurd sevgisini nəsillərdən-nəsillərə ötürən mənəvi xəzinədir. Xüsusilə muğam sənəti ilə harmonik vəhdət təşkil edən bu poetik nümunələr, Qarabağ torpağının hər bir guşəsində özünəməxsus avazla səslənmişdir.
Qarabağın dilbər guşələrindən olan Laçın rayonunun Kalafalı kəndi də bu zəngin folklor ənənəsinin yaşadıldığı mühüm məskənlərdəndir. 1987-1988-ci illərdə kənd sakinləri tərəfindən ifa olunan bayatılar, bölgənin mənəvi ruhunu və tarixi yaddaşını özündə hələ də canlı şəkildə qoruyub saxlayır.
Bu qiymətli səs yazıları Kalafalı kənd sakini Hacıyev Məhiyyədin Hümbət oğlunun şəxsi fondundan götürülərək günümüzə çatdırılmışdır. Qədim el nəğmələrini və unudulmaqda olan səs irsini gələcək nəsillərə ötürmək baxımından bu cür şəxsi arxivlər müstəsna əhəmiyyət kəsb edir.
Goldmedia.az-ın yaradıcı heyyəti xatırladır ki, təqdim olunan bu bayatılar təkcə Laçının deyil, ümumilikdə Azərbaycan folklorunun zənginliyini bir daha nümayiş etdirir.
Bu gün, 18:25
13
