
Bakı–Xırdalan–Sumqayıt xətti üzrə sərnişindaşıma imkanları genişlənir.
Saray qəsəbə sakinlərini narahat edən mühüm məsələ həllini tapır. “Azərbaycan Dəmiryol Agentliyi”nin məlumatına görə, Bakı–Xırdalan–Sumqayıt xəttində hərəkət edən sürət qatarları üçün Sarayda yeni dayanacaq qoyulacaq.
Bu addım Prezidentin 2025–2030-cu illər Dövlət Proqramına uyğun olaraq nəqliyyat infrastrukturunun genişləndirilməsi məqsədi daşıyır. Yeni dayanacaq Saray sakinlərinin şəhər və ətraf ərazilərə daha rahat və sürətli çıxışını təmin edəcək.