Sumqayıt şəhərinin bəzi ərazilərində qaz təchizatında müvəqqəti fasilə olacaq.

Sumqayit.tv xəbər verir ki, bu barədə Sumqayıt Regional Qaz İstismarı İdarəsi məlumat yayıb.

Bildirilib ki, martın 13-də saat 10:00-dan etibarən işlər başa çatanadək təxminən 2000 istehlakçının qaz təchizatında fasilə yaranacaq.

Məlumata görə, qazın verilişinin dayandırılmasına səbəb Stansiya Sumqayıt Qaçqın şəhərciyi ünvanında yerləşən “Abşeron Modul” tipli mini QPS-də əhali və sənaye ölçü qovşaqlarının baypas xətləri üzərində qapayıcı vasitənin quraşdırılmasıdır.

Qurum abonentlərdən görülən işlərlə əlaqədar anlayış göstərmələrini xahiş edib.

12-03-2026, 20:31 63