Azərbaycan Respublikasının Prezidenti İlham Əliyev Novruz bayramı münasibətilə Azərbaycan xalqına təbrik ünvanlayıb.

Sumqayit.tv xəbər verir ki, dövlət başçısı sosial şəbəkə hesablarında paylaşdığı təbrikdə Novruz bayramının Azərbaycan xalqının ən qədim və zəngin ənənələrindən biri olduğunu vurğulayıb.

Prezident qeyd edib ki, Novruz əsrlər boyu milli-mənəvi dəyərlərimizin qorunub saxlanılmasında mühüm rol oynayıb və bu bayram xalqımızın nikbinliyini, təbiətə sevgisini və gələcəyə inamını özündə əks etdirir.

İlham Əliyev bildirib ki, Novruzun yeniləşdirici ruhu xalqımızın gələcəyə daha böyük inamla addımlamasına güc verir və azad olunmuş torpaqlarımızın bərpası istiqamətində görülən işlər bu inamın göstəricisidir.

Dövlət başçısı təbrikində hər kəsə cansağlığı, səadət, əmin-amanlıq və bol ruzi-bərəkət arzulayıb.

20-03-2026, 23:04 22