Sumqayıt şəhərində sərnişin avtobusunun sürücüsü tərəfindən qaydaların kobud şəkildə pozulduğu anlar qeydə alınıb.

Sumqayit.tv Oxu.az-a istinadən xəbər verir ki, 99-JU-879 dövlət qeydiyyat nişanlı, 500 nömrəli Bakı–Sumqayıt marşrutu üzrə hərəkət edən avtobusun sürücüsü qəfil təhlükəli manevr edərək yolda hərəkətdə olan digər nəqliyyat vasitələri üçün qəza şəraiti yaradıb.

Hadisə zamanı sürücünün ani zolaq dəyişməsi və məsafə saxlamaması həm sərnişinlərin, həm də digər sürücülərin həyatını risk altına salıb. Yol hərəkəti qaydalarının bu cür pozulması ağır qəzalara səbəb ola biləcək ciddi təhlükə hesab olunur.

Qeyd edək ki, son vaxtlar şəhərlərarası marşrut avtobuslarının iştirakı ilə baş verən bu cür hallar sürücülərin məsuliyyəti məsələsini yenidən gündəmə gətirir. 

23-03-2026, 12:06 19