Sumqayıt şəhərində aparılacaq təmir-bərpa işləri ilə əlaqədar olaraq on minlərlə abonentin qaz təchizatında müvəqqəti fasilə yaranacaq.

Sumqayit.tv Report.az-a istinadən xəbər verir ki, martın 24-də saat 10:00-dan etibarən bir sıra ərazilərdə qazın verilməsi dayandırılacaq.

Bildirilib ki, qaz təchizatında yaranacaq fasilə Yaşıldərə və Ceyranbatan qəsəbəsi,Qurd dərəsi, Novxanı, Corat bağları, Corat və Yeni Corat yaşayış massivləri, eləcə də Novruz qəsəbəsini əhatə edəcək.

Bununla yanaşı, Sumqayıt şəhəri üzrə 10, 11, 12, 13 və 17-ci mikrorayonların bir hissəsində, həmçinin 51-ci və 52-ci məhəllələrdə də qazın verilməsi müvəqqəti dayandırılacaq.

Məlumata görə, qaz təchizatında yaranacaq fasilə ümumilikdə 40 minə yaxın abonenti əhatə edəcək.

Qeyd edək ki, fasilə aparılan təmir-bərpa işləri başa çatdıqdan sonra qazın verilməsi mərhələli şəkildə bərpa olunacaq.

23-03-2026, 19:06 13