Sumqayıt şəhərində tikilən xeyir-şər evlərinin istifadəsinə icazə verilmədiyi iddia olunur.

 Sumqayit.tv xəbər verir ki, bu barədə Tiraj.az-a yerli sakinlər məlumat veriblər. Onların sözlərinə görə, bir müddətdir ki, bəzi məhəllələrdə yerləşən xeyir-şər evlərinin qaz, işıq və su sayğaclarına möhür vurulub və həmin obyektlərdə mərasim keçirilməsinin mümkün olmadığı bildirilib.

Sakinlər iddia edirlər ki, artıq xeyir-şər evlərindən təyinatı üzrə istifadə edə bilmirlər.
“Hazırda bu yerlərdən yalnız yığıncaq və oyun məqsədilə istifadə olunur, mərasim keçirməyə icazə verilmir”, – deyə vətəndaşlar bildiriblər.

İddialara görə, məhdudiyyətin şəhər rəhbərliyi tərəfindən qoyulduğu bildirilir.

25-03-2026, 12:15 44