İntensiv yağışlarla əlaqədar Fövqəladə Hallar Nazirliyinin qüvvələri tərəfindən Bakı və Sumqayıt şəhərləri, həmçinin Abşeron rayonu ərazisində su basmış ərazilərdə müvafiq təhlükəsizlik tədbirlərinin görülməsi işləri davam etdirilir.

Sumqayıt.tv xəbər verir ki,Nazirliyin Mətbuat xidmətindən verilən məlumata görə, su basmış yerlərdən suyun çəkilərək kənarlaşdırılması, köməyə ehtiyacı olan vətəndaşların təxliyəsi və digər zəruri tədbirlər həyata keçirilir.

Görülən işlər nəticəsində 4-ü azyaşlı olmaqla ümumilikdə 18 nəfər təhlükəsiz əraziyə təxliyə edilib.

Hazırda əməliyyatlar bir sıra ünvanlarda Nazirliyin Dövlət Yanğından Mühafizə və Xüsusi Riskli Xilasetmə xidmətlərinin, eləcə də Sumqayıt Regional Mərkəzinin qüvvələri tərəfindən fasiləsiz davam etdirilir.

28-03-2026, 00:15 50