Ədliyyə Nazirliyi tərəfindən Bakı, Sumqayıt şəhərləri və Abşeron rayonu ərazisində fəaliyyət göstərəcək xüsusi icra məmurları vəzifələri üzrə müsabiqə elan olunub.

Sumqayit.tv xəbər verir ki, müsabiqədə iştirak etmək istəyən namizədlər üçün ərizələrin qəbulu 2026-cı il aprelin 1-dən mayın 1-i saat 23:59-dək aparılacaq.

Qeyd olunub ki, müsabiqədə “Xüsusi icra məmurları haqqında” Qanunun tələblərinə cavab verən, ali təhsilli Azərbaycan vətəndaşları iştirak edə bilərlər.

Namizədlər müraciətlərini Ədliyyə Nazirliyinin rəsmi saytında “Qulluğa qəbul” bölməsi vasitəsilə elektron qaydada və ya kağız daşıyıcıda təqdim edə bilərlər. Kağız formatda müraciətlər Nazirliyin Bakı şəhəri, İnşaatçılar prospekti 1 ünvanında yerləşən inzibati binasında qəbul olunur.

Müsabiqə test imtahanı və müsahibə mərhələlərindən ibarət olacaq. Test imtahanı Dövlət İmtahan Mərkəzi tərəfindən ödənişli əsaslarla təşkil ediləcək.

İmtahanın vaxtı və keçirilmə yeri barədə məlumatlar namizədlərə əvvəlcədən təqdim olunacaq.

Əlavə suallar üçün vətəndaşlar müvafiq əlaqə nömrələri vasitəsilə məlumat ala bilərlər.

31-03-2026, 13:22 69