Fövqəladə Hallar Nazirliyinin aidiyyəti qurumları tərəfindən əhali arasında maarifləndirmə tədbirləri davam etdirilir.

Sumqayit.tv xəbər verir ki, FHN-in Bakı, Sumqayıt və digər regional mərkəzlərinin əməkdaşlarının iştirakı ilə müxtəlif təhsil və dövlət müəssisələrində fövqəladə hallarla bağlı davranış qaydalarına dair tədbirlər keçirilib.

Məlumata görə, Sumqayıt Regional Mərkəzi tərəfindən şəhərdə yerləşən 19 nömrəli tam orta ümumtəhsil məktəbində maarifləndirmə tədbiri təşkil olunub.

Tədbirlər zamanı iştirakçılara yanğın, zəlzələ və digər fövqəladə hallar zamanı davranış qaydaları barədə ətraflı məlumat verilib, FHN-in “112” qaynar xəttinin fəaliyyəti izah olunub.

Eyni zamanda ilkin yanğınsöndürmə vasitələrindən istifadə qaydaları əyani şəkildə nümayiş etdirilib və iştirakçıları maraqlandıran suallar cavablandırılıb.

19-05-2026, 10:45 111