Sumqayıtda qanunsuz tikili sökülüb
Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi tərəfindən Sumqayıt şəhərində qanunsuz tikili sökülüb.
Sumqayit.tv xəbər verir ki, Sumqayıt şəhərinin 17-ci mikrorayon ərazisində qanunsuz tikinti işlərinin aparılması faktı aşkarlanıb.
Bildirilib ki, Əmlak Məsələləri Dövlət Xidmətinin Abşeron ərazi şöbəsi tərəfindən fakt müəyyən edilərək aidiyyəti üzrə Fövqəladə Hallar Nazirliyinə müraciət olunub.
Müraciət əsasında FHN-in Tikintidə Təhlükəsizliyə Nəzarət Dövlət Agentliyi, Əmlak Məsələləri Dövlət Xidməti və Sumqayıt Şəhər İcra Hakimiyyətinin nümayəndələrinin iştirakı ilə tədbirlər həyata keçirilib.
Nəticədə qanunsuz inşa olunduğu bildirilən tikili sökülüb.
Bu gün, 13:03
4
Digər xəbərlər
