Türkiyənin ev sahibliyi ilə Saros körfəzində NATO ölkələrinin hərbi dəniz və hava qüvvələrinin iştirakı ilə “Nüsrət-2025 Dəvət Təlimi” keçirilir.

Bu barədə məlumatı Azərbaycan Müdafiə Nazirliyi yayıb.

Təlimdə Azərbaycan Ordusunun bir qrup hərbi qulluqçusu da iştirak edir. Təlimin məqsədi mina müharibəsinin planlaşdırılması və icrası üzrə bölmələrin hazırlıq səviyyəsinin artırılması, eləcə də Türkiyə Hərbi Dəniz Qüvvələri ilə digər dost və müttəfiq ölkələrin qüvvələri arasında əməkdaşlığın inkişaf etdirilməsidir.

Beynəlxalq təlimdə Azərbaycanla yanaşı, ABŞ, BƏƏ, Bəhreyn, Bolqarıstan, İndoneziya, Cənubi Afrika, Niderland, Keniya, Koreya Respublikası, Küveyt, Malayziya, Mərakeş, Misir, Pakistan, Peru, Səudiyyə Ərəbistanı, Sinqapur, Şri-Lanka və Oman olmaqla ümumilikdə 44 hərbi nümayəndə iştirak edir.

25-10-2025, 20:25 123