Snayper Məmmədəli Abbasov kim idi ?
Sankt-Peterburqdakı Mərkəzi hərbi-dəniz muzeyinin altıncı salonunda üzərində: "Dəniz piyadalarının 63-cü Qırmızı Bayraq ordenli briqadasının məşhur snayperlər qrupu: yefreytor P. P. Çernomaz, baş serjant İ. A. Vakser, serjantlar M.İ. Abbasov və V. S. Bednyaqin. Rıbaçi yarımadası, 6 aprel 1943-cü il. Şimanskinin fotosu." yazılmış şəkil saxlanılır..
Kimdir bu Abbasov. İkinci dünya müharibəsi dövründə almanların ələ keçirə bilmədiyi və ölüsü ya dirisi üçün böyük miqdarda pul qoyulan Məmmədli Abbasov Bərdədə anadan olub. SSRİ-nin ən məhsuldar snayperlərindən hesab olunub. Hərbi sənədlərə görə M.Abbasov, İkinci Dünya müharibəsi zamanı düşmənin 199 əsgər və zabitini məhv etmişdir.
Müharibədən əvvəl Bərdə rayonunun Lənbəran kəndində müəllim işləyib. 1940-cı ildə ordu sıralarına qoşulub. Burada o, snayper ixtisası üzrə hazırlıq keçib. Onun snayper olmasında boyunun balaca olması da müəyyən rol oynayıb. İkinci dünya müharibəsinin ilk günlərindən döyüşlərin iştirakçısı olub.
Sankt Peterbuqrdakı muzeydə Məmmədəli Abbasova aid qaytan saxlanılır. Bu qaytanda 86 düyün var. Bu üç ay ərzində snayperin öldürdüyü almanların sayını göstərir. Məmmədli Abbasov öldürdüklərinin sayını itirməmək üçün düyün vururdu...
Məhz rusları İkinci dünya müharibəsində məğlubiyyətdən belə azərbaycanlı oğullar xilas ediblər..
26-04-2022, 11:40
321
