UEFA Çempionlar Liqasının əsas mərhələsinin III turunda Azərbaycan çempionu “Qarabağ” səfərdə İspaniyanın “Atletik Bilbao” klubu ilə qarşılaşıb.

“San Mames” stadionunda baş tutan görüş 3:1 hesabı ilə meydan sahiblərinin xeyrinə başa çatıb.

Oyunun cəmi 1-ci dəqiqəsində Leandro Andrade “Qarabağ”ı önə keçirsə də, daha sonra ispanlar təşəbbüsü ələ alıblar.
Qorka Quruseta (40 və 88-ci dəqiqələr) dubl edib, Robert Navarro (70-ci dəqiqə) isə yekun nəticəni müəyyənləşdirib – 3:1.

Bu məğlubiyyət Qurban Qurbanovun komandasının cari mövsümdə Çempionlar Liqasının Liqa mərhələsindəki ilk itkisi olub.

Xatırladaq ki, “Qarabağ” növbəti matçını noyabrın 5-də Bakıda İngiltərənin “Çelsi” klubuna qarşı keçirəcək.

İdman xəbəri | Sumqayit.tv