UEFA Çempionlar Liqasının əsas mərhələsinin III turunda Azərbaycan çempionu “Qarabağ”, səfərdə İspaniyanın “Atletik Bilbao” klubu ilə qarşılaşıb. “San Mames” stadionunda baş tutan oyun 3:1 hesabı ilə meydan sahiblərinin xeyrinə başa çatıb.

Matçın cəmi 1-ci dəqiqəsində Leandro Andrade “Qarabağ”ı önə keçirsə də, daha sonra ispanlar təşəbbüsü ələ alıblar.
Qorka Quruseta (40 və 88-ci dəqiqələr) dubl edib,
Robert Navarro (70-ci dəqiqə) isə yekun nəticəni müəyyənləşdirib – 3:1.

Bu məğlubiyyət Qurban Qurbanovun komandasının cari mövsümdə Çempionlar Liqasındakı ilk itkisi olub. Lakin nəticədən asılı olmayaraq, “Qarabağ”ın Avropa səhnəsində göstərdiyi oyun, azarkeşlərin qəlbindəki inamı sarsıda bilməz.

> Bəzən qələbə tablodakı rəqəmlərdə deyil, meydandakı ruhda, mübarizədə və inamda gizlənir.

“Qarabağ” bu ruhun simvoludur. Onlar hər dəfə meydanda təkcə 11 futbolçu kimi yox, bütün Azərbaycanın gücü kimi vuruşurlar.

Bu məğlubiyyət bir son deyil, yeni bir qələbə yolunun başlanğıcıdır!
5 noyabrda Bakıda keçiriləcək “Qarabağ” – “Çelsi” qarşılaşması öncəsi, bütün Azərbaycan bir səslə deyir:
“İrəli, Qarabağ! Qələbə səninlədir!”

İdman xəbəri | Sumqayit.tv