Azərbaycanda, o cümlədən Sumqayıt istiqamətində bir sıra müntəzəm avtobus marşrutları müsabiqəyə çıxarılıb.

Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) Sumqayit.tv-yə verilən məlumata görə, məqsəd sərnişindaşıma sahəsində xidmətin keyfiyyətini, təhlükəsizliyini və rahatlığını artırmaqdır.

Müsabiqəyə təqdim edilən marşrutlar arasında Sumqayıt avtovağzalından Lökbatan istiqamətində hərəkət edən 509 nömrəli xətt də var. Bundan başqa, Bakı–Gəncə, Tərtər–Kəlbəcər, Bakı–Göyçay, Yevlax–Zaqatala kimi şəhərlərarası istiqamətlər də siyahıya daxildir.

Sənədlərin qəbulu 12 dekabr 2025-ci ilədək davam edəcək. İddiaçılar müvafiq sənədləri AYNA-ya təqdim etməklə müsabiqədə iştirak edə bilərlər.

13-11-2025, 12:42 89