Qaz qurğularının xəritələrindən (sxemlərindən) istifadəyə görə tutulan 20 manat dövlət rüsumunun ləğv edilməsi təklif olunur.

Sumqayit.tv xəbər verir ki, bununla bağlı məsələ Milli Məclisin Təbii ehtiyatlar, energetika və ekologiya komitəsinin bugünkü iclasında müzakirəyə çıxarılan "Dövlət rüsumu haqqında" Qanuna təklif edilən dəyişiklikdə əksini tapıb.

Layihəyə əsasən, yeni "Qaz təchizatı haqqında" Qanunda qaz qurğularının xəritələrinin (sxemlərinin) dövlət rüsumu ödənilməklə sifarişçilərə verilməsi ilə bağlı müddəa nəzərdə tutulmadığından, "Dövlət rüsumu haqqında" Qanunun müvafiq maddəsinin – 18.59-cu maddənin ləğv edilməsi təklif edilir.

Bundan əlavə, layihədə "Energetika haqqında" Azərbaycan Respublikasının Qanununda terminoloji xarakterli uyğunlaşdırmaların aparılması da nəzərdə tutulur.

Qanun layihəsi Milli Məclisdə müzakirə mərhələsindədir.

Mənbə:Bizim.media

7-07-2026, 14:53 37