Sumqayıt şəhərinin Hacı Zeynalabdin qəsəbəsində (Nasosnu) "Sağlam məhəllə" layihəsi çərçivəsində yeni idman zonası sakinlərin istifadəsinə verilib.
Sumqayit.tv xəbər verir ki, bu barədə Gənclər və İdman Nazirliyi məlumat yayıb.
Bildirilib ki, layihə çərçivəsində ərazidə minifutbol və basketbol meydançaları, stolüstü tennis və şahmat guşələri, eləcə də açıq havada idmanla məşğul olmaq üçün trenajor qurğuları quraşdırılıb.
Yeni idman məkanının açılış mərasimində gənclər və idman naziri Fərid Qayıbov iştirak edib. Nazir idman qurğularında məşq edən uşaqlar və qəsəbə sakinləri ilə görüşərək onlarla söhbət edib.
Layihənin məqsədi məhəllələrdə sağlam həyat tərzinin təşviqi, uşaq və gənclərin idmana marağının artırılması, eləcə də sakinlərin asudə vaxtlarının səmərəli təşkilinə şərait yaratmaqdır.
Bu gün, 17:07
9
