Bu gün Dövlət İmtahan Mərkəzi (DİM) tərəfindən II və III ixtisas qrupları üzrə ali təhsil müəssisələrinə qəbul imtahanı keçiriləcək.

Sumqayit.tv xəbər verir ki, DİM-in məlumatına əsasən, imtahanlar Bakı, Sumqayıt, Abşeron, Xankəndi, Naxçıvan, Gəncə, Şəmkir, Ağstafa, Qazax, Şamaxı, Mingəçevir, Şəki, Zaqatala, Bərdə, Göyçay, Ucar, Kürdəmir, Şirvan, Sabirabad, Salyan, Lənkəran, Cəlilabad, Masallı, Quba və Xaçmaz şəhər və rayonlarında təşkil olunacaq.

İmtahan saat 10:00-da başlayacaq. Saat 09:45-dən sonra imtahan binasına giriş dayandırılacaq və gecikən iştirakçılar binaya buraxılmayacaqlar.

DİM abituriyentlərə buraxılış vərəqəsində göstərilən vaxtda imtahan binasına gəlməyi tövsiyə edir. Bu, giriş prosesinin rahat və operativ təşkili məqsədi daşıyır.

İmtahanda iştirak etmək üçün abituriyentlər aşağıdakı sənədləri özləri ilə gətirməlidirlər:

• İmtahana buraxılış vərəqəsi;
• Şəxsiyyəti təsdiq edən sənədin əsli;
• Şəxsiyyət vəsiqəsində şəkli olmayan iştirakçılar üçün isə fotoşəkilli və möhürlə təsdiqlənmiş arayış.

DİM imtahan iştirakçılarına sənədlərini əvvəlcədən yoxlamağı və imtahan binasına vaxtında gəlməyi tövsiyə edir.

Bu gün, 09:00 8