Paytaxtın ümumi təhsil müəssisələrində çalışan və 2026-cı ildə keçirilən təkrar sertifikatlaşdırma imtahanında uğur qazana bilməyən müəllimlərlə bağlı Bakı Şəhəri üzrə Təhsil İdarəsində xüsusi komissiyalar yaradılıb.

Sumqayit.tv xəbər verir ki, bu barədə Bakı Şəhəri üzrə Təhsil İdarəsi məlumat yayıb.

Bildirilib ki, komissiyalar 6–31 iyul tarixlərində fəaliyyət göstərəcək. Komissiyaya müraciət etmək istəyən şəxslər həftənin I–IV günləri, saat 09:30-dan 13:00-dək şəxsiyyət vəsiqəsi ilə birlikdə Bakı Şəhəri üzrə Təhsil İdarəsinə yaxınlaşa bilərlər.

Məlumata görə, komissiyaların yaradılmasında əsas məqsəd təkrar sertifikatlaşdırma imtahanında keçid balını toplaya bilməyən müəllimlərlə işin təşkili, onların sosial vəziyyətinin mərhələli şəkildə qiymətləndirilməsi və alternativ iş yerləri ilə təmin olunması imkanlarının araşdırılmasıdır.

6-07-2026, 12:53 55