Sumqayıt şəhərinin də daxil olduğu Abşeron yarımadasında sabaha gözlənilən hava proqnozu açıqlanıb.

Sumqayit.tv xəbər verir ki, Milli Hidrometeorologiya Xidmətinin məlumatına əsasən, hava əsasən yağmursuz keçəcək. Mülayim şimal-qərb küləyi əsəcək, gündüz saatlarında isə yarımadanın bəzi ərazilərində küləyin arabir güclənəcəyi gözlənilir.

Havanın temperaturu gecə 20-23° isti, gündüz isə 27-30° isti olacaq. Atmosfer təzyiqi 758 mm civə sütunu, nisbi rütubət gecə 70-80 faiz, gündüz isə 60-65 faiz təşkil edəcək.

Azərbaycanın rayonlarında isə bəzi yerlərdə arabir yağış yağacağı, ayrı-ayrı ərazilərdə yağıntının intensiv olacağı, şimşək çaxacağı və dolu düşəcəyi ehtimal edilir. Bəzi şimal və qərb rayonlarında yağıntıların güclənəcəyi, gecə və səhər saatlarında dağlıq ərazilərdə duman müşahidə olunacağı gözlənilir.

Rayonlarda havanın temperaturu gecə 20-25° isti, gündüz 32-37° isti, dağlıq ərazilərdə isə gecə 11-16° isti, gündüz 18-23°, bəzi yerlərdə 25-29° isti olacaq.

Bu gün, 14:03 8