İpoteka və Kredit Zəmanət Fondu Sumqayıt şəhərində daha 280 tam təmirli mənzili satmaq öhdəliyi ilə kirayə mexanizmi çərçivəsində vətəndaşların istifadəsinə verib.

Sumqayit.tv xəbər verir ki, fonddan verilən məlumata görə, mənzillər şəhərin Sülh prospektində, Üst trikotaj fabrikinin cənub hissəsində, 3-cü məhəllə adlanan ərazidə yerləşən yaşayış kompleksindədir. Təqdim olunan mənzillər 1, 2 və 3 otaqlı variantlardan ibarətdir.

Vətəndaşlar iyulun 14-ü saat 15:00-dan etibarən Elektron İpoteka və Kredit Zəmanət sistemi (e-gov.az üzərindən) vasitəsilə seçim edə biləcəklər.

Qeyd edək ki, bu günədək satmaq öhdəliyi ilə kirayə mexanizmi çərçivəsində ümumilikdə 7 280 müqavilə imzalanıb.