Yeni tədris ilinin başlanması ilə əlaqədar Sumqayıt Dövlət Universitetinin (SDU) yataqxanası tələbələrin istifadəsinə tam hazır vəziyyətə gətirilib.

Universitetin mətbuat xidmətindən verilən məlumata görə, tələbə evində 248 nəfərlik yer mövcuddur – 124 oğlan və 124 qız üçün. Bundan əlavə, 7 qonaq otağı (17 çarpayı) da fəaliyyət göstərir.

Yataqxana əsaslı təmir olunub və tələbələrin rahatlığı üçün hər cür şərait yaradılıb. Burada mətbəx və məişət otaqları, geniş yeməkxana, oxu zalı və camaşırxana mövcuddur.

Qeyd edək ki, 500 baldan yuxarı nəticə göstərən tələbələr həm 200 AZN xüsusi təqaüd, həm də yataqxanada pulsuz qalmaq imkanı əldə edirlər.