Azərbaycan Respublikasının Prezidenti İlham Əliyev fevralın 23-də İran İslam Respublikasının yol və şəhərsalma naziri, Azərbaycan–İran İqtisadi Əməkdaşlıq üzrə Hökumətlərarası Birgə Komissiyasının həmsədri Fərzanə Sadiqin başçılıq etdiyi nümayəndə heyətini qəbul edib.
Sumqayit.tv xəbər verir ki, grüşdə Azərbaycan–İran münasibətlərinin inkişafı, ikitərəfli əməkdaşlığın genişləndirilməsi və birgə layihələr müzakirə olunub. Prezident İlham Əliyev iki ölkə arasında əməkdaşlığın həm dövlətlər, həm də region üçün əhəmiyyətini vurğulayıb.
Qəbula görə təşəkkür edən Fərzanə Sadiq İran Prezidenti Məsud Pezeşkianın salamlarını dövlətimizin başçısına çatdırıb. Prezident İlham Əliyev də qarşılıqlı salamlarını iranlı həmkarına ünvanlayıb.
Söhbət zamanı Bakıda keçiriləcək Azərbaycan–İran Dövlət Komissiyasının 17-ci iclasının əhəmiyyəti qeyd olunub, həmçinin Şimal–Cənub nəqliyyat dəhlizi, Araz çayı üzərində Ağbənd–Kəlalə avtomobil körpüsünün inşası və digər qarşılıqlı maraq doğuran məsələlər ətrafında fikir mübadiləsi aparılıb.
23-02-2026, 13:49
64
