Sumqayıt şəhər sakinləri yolun bərbad vəziyyətdə qalması ilə bağlı redaksiyamıza müraciət ediblər.
Sakinlərin sözlərinə görə, Sumqayit.tv-də məsələ işıqlandırıldıqdan sonra aidiyyəti qurum əməkdaşları əraziyə gələrək su sızmasının qarşısını alıblar, lakin qazıntı aparılan hissədə asfalt örtüyü bərpa olunmayıb.

Müraciətdə bildirilir ki, problem Sumqayıt şəhəri 10-cu mikrorayon, ev 65-in arxa hissəsində yerləşən yolda qeydə alınıb. Qazıntı işlərindən sonra yolun bir neçə yerində asfalt örtüyü dağılıb və nəticədə nəqliyyat vasitələrinin hərəkəti çətinləşib.

Sakinlər qeyd edir ki, su axınının qarşısı alınsa da, yolun təmir olunmaması ərazidə ciddi narahatlıq yaradır.

Onlar aidiyyəti qurumlardan xahiş edirlər ki, qazılmış hissələrə yenidən asfalt örtüyü vurulsun və yol əvvəlki vəziyyətinə qaytarılsın.

Sumqayit.tv məsələni diqqətdə saxlayır.

12-03-2026, 18:15 88