Sumqayıt Şəhər İcra Hakimiyyətinin başçısı Zakir Fərəcovun iştirakı ilə şəhərin 29-cu məhəlləsində səyyar qəbul təşkil olunub.

Sumqayit.tv xəbər verir ki, görüşdə İcra Hakimiyyətinin məsul əməkdaşları, aidiyyəti qurumların nümayəndələri, şəhid ailələri, qazilər və yerli sakinlər iştirak ediblər.

Qəbul zamanı bildirilib ki, vətəndaş müraciətlərinə operativ baxılması və onların həlli şəhər rəhbərliyinin əsas fəaliyyət istiqamətlərindəndir. Bu məqsədlə keçirilən səyyar görüşlər problemlərin yerində öyrənilməsinə və daha çevik həllinə imkan yaradır.

Sakinlər tərəfindən əsasən sosial məsələlər, məşğulluq, mənzil şəraiti, kommunal xidmətlərin keyfiyyəti, yol və digər infrastrukturla bağlı müraciətlər səsləndirilib. Qaldırılan məsələlərin bir qismi yerində həll olunub, əlavə araşdırma tələb edən müraciətlər isə icrası üçün aidiyyəti qurumlara yönləndirilib.

3-04-2026, 16:19 232