Sumqayıt Şəhər İcra Hakimiyyətinin başçısı Zakir Fərəcov tərəfindən növbəti səyyar qəbul təşkil olunub.

Sumqayit.tv xəbər verir ki, qəbul 4-cü mikrorayon ərazisində keçirilib.

Tədbirdə şəhər İcra Hakimiyyətinin məsul əməkdaşları, aidiyyəti idarə, müəssisə və təşkilat rəhbərləri, şəhid ailələrinin üzvləri, qazilər və yerli sakinlər iştirak ediblər.

Qəbul zamanı vətəndaşların müraciətləri dinlənilib, onların qarşılaşdıqları problemlər və təkliflər müzakirə olunub.

Şəhər rəhbəri səyyar qəbulun məqsədinin vətəndaşlarla birbaşa ünsiyyətin təmin edilməsi, onların müraciətlərinin yerində araşdırılması və operativ həllinə nail olunması olduğunu bildirib.

Görüşdə əsasən sosial təminat, məşğulluq, mənzil-məişət şəraiti, kommunal xidmətlər və digər məsələlərlə bağlı müraciətlər səsləndirilib. Bir sıra müraciətlər yerində həll olunub, əlavə araşdırma tələb edən məsələlər isə aidiyyəti qurumlara yönləndirilib və nəzarətə götürülüb.

Qeyd edək ki, Sumqayıtda vətəndaş müraciətlərinin operativ həlli məqsədilə səyyar qəbullar mütəmadi olaraq davam etdirilir.