İsrailin baş naziri Benyamin Netanyahunun Mayamidə olan oğlu Yair Netanyahu İnstaqram hesabında skandala yol açan paylaşım edib.
Musavat.com xəbər verir ki, separatçı terror təşkilatı PKK-nın "bayrağını" “Azad Kürdüstan” qeydi ilə paylaşıb.
Qeyd edək ki, bu paylaşımdan əvvəl Türkiyə Prezidenti Rəcəb Tayyib Ərdoğan İsrailin baş naziri Benyamin Netanyahunu açıq şəkildə hədəf alan açıqlamalar verib.
"İsrail İkinci Dünya müharibəsindən bu yana Fələstinə etdiyi hər zülmə görə cavab verəcək. Bundan qaçış yoxdur, Netanyahunun hara qədər qaçacağını bilmirəm" - o deyib.
Ərdoğan İsrailə açıq şəkildə xəbərdarlıq edib:
"İsrail əsl ordu ilə qarşı-qarşıya qaldıqda parça-parça olacaq. İsrail rəhbərliyini belə acı bir nəticə ilə qarşılaşmadan ağlını başına yığması üçün xəbərdarlıq edirəm".