“Mövcud olmayan məhkəmə sistemi daha da deqradasiyaya uğrayır. Xüsusilə son təyinatlardan sonra prokurorluq zorakılıq alətinə çevrilib. Bu, bizim xalqın ayıbıdır, çünki bu cəmiyyətin namusunu göstərir. İstənilən şəxsə qarşı istənilən ittiham irəli sürülür. Bu, çox ciddi və mürəkkəb problemdir”.
Sumqayit.tv xəbər verir ki, bu sözləri Ermənistanın keçmiş baş naziri, “Azadlıq” partiyasının sədri Hrant Baqratyan deyib.
Onun sözlərinə görə, Paşinyan və komandası Ermənistanı növbəti məğlubiyyətlərə aparır:
“Buna görə də dəyərlər və qiymətləndirmələr dəyişir. Məsələn, Türkiyə deyir ki, Ağrı dağı gerbinizdə əks olunmasın, onlar etiraz etmirlər. Cavab vermirlər ki, Ağrı bizim millətin bibliya dağıdır. Siz taleyin ironiyasına baxın ki, hazırkı xarici işlər nazirimizin adı Araratdır. Düzünü desəm, artıq məndə şübhələr yaranır ki, bəlkə iş o yerə çatacaq, “Ararat” adı qadağan olunacaq və tezliklə xarici işlər nazirimiz adını dəyişdirmək məcburiyyətində qalacaq. Görün, hansı absurd, cəfəngiyyat bir sistemdə yaşayırıq. Bu hüquq sistemi, bu siyasi oyunlar, iqtisadi sistem – hamısı dəyişməlidir”.
Baqraytan daha sonra bunları deyib: “Toyvo Klaara görə, bölgənin lideri Türkiyə olacaq. Yəni dediklərimiz gerçəkləşdi: biz ya Rusiyanın müttəfiqi olmalıyıq, ya da Türkiyənin vassalı. Türkiyə NATO üzvüdür, Azərbaycana kömək edir. Ermənistanın hakimiyyət orqanları isə hər şeyi edir ki, Rusiyanı buradan sıxışdırıb çıxarsın. Bütün bunlar Ermənistanın ziyanınadır. Əvəzini isə erməni xalqı ödəyir”.