Sumqayıtda yaşayan 55 yaşlı Vəfa Cəfərova bu il Sumqayıt Dövlət Universitetində Neft-qaz mühəndisliyi ixtisasına qəbul olaraq, Azərbaycanda ən yaşlı tələbə adını qazanıb.

Vəfa xanım bildirib:

“Bir az gecikmiş də olsa, bu mənim üçün böyük nəticədir. Oxumağı sevirəm, neçə illərdir elə təhsil alıram. Universitetə qəbul olmaq sevincini hər yaşda yaşamaq gözəldir. Gənclər heç bir halda ruhdan düşməsinlər, təhsil almaq heç zaman gec deyil.”

O, hazırda “Azəriqaz” İstehsalat Birliyində mühəndis kimi çalışır, evli, bir övladı və bir nəvəsi var. //Report