Sumqayıtda 10-cu siniflərə qeydiyyat üçün gecikən şagirdlərin qəbulu noyabrın 7-si saat 15:00-da başa çatacaq.

Sumqayit.tv xəbər verir ki, bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.

Qurumun açıqlamasına görə, müxtəlif səbəblərdən qeydiyyat prosesini vaxtında tamamlamayan şagirdlər üçün qəbul prosesi sy.edu.az sistemi vasitəsilə aparılır.

Şagirdlər və valideynlərdən son müraciət tarixini nəzərə almaları, sistemdə sorğusu təsdiqlənmiş valideynlərin isə müvafiq sənədlərlə məktəbə yaxınlaşaraq qəbul mərhələsini yekunlaşdırmaları xahiş olunur.

MÜTDA Sumqayıt şəhəri də daxil olmaqla bütün bölgələrdə valideynləri vaxtında müraciət etməyə çağırıb.

5-11-2025, 14:14 49