Azərbaycan Prezidenti İlham Əliyev Azərbaycan Memarlıq və İnşaat Universitetinin bir sıra əməkdaşlarının təltif edilməsi ilə bağlı Sərəncam imzalayıb.

Sumqayit.tv xəbər verir ki, sərəncam universitetin 50 illik yubileyi münasibətilə imzalanıb. Sənədə əsasən, Azərbaycanda təhsilin inkişafında göstərdiyi xidmətlərə görə, Azərbaycan Memarlıq və İnşaat Universitetinin İnşaat fakültəsinin dekanı, professor Sahib Fərzəliyev “Tərəqqi” medalı ilə təltif olunub.

Qeyd edək ki, Sahib Fərzəliyev uzun illərdir elmi-pedaqoji fəaliyyətlə məşğuldur. O, bu müddət ərzində 150-yə yaxın elmi məqalə, dərslik və metodik vəsaitin müəllifi olmaqla yanaşı, ölkənin aparıcı layihə institutları ilə də sıx əməkdaşlıq edir.

Bununla yanaşı, Sahib Fərzəliyev ictimai-siyasi sahədə də fəallığı ilə seçilir. O, 1990-cı ildə Bakı şəhər Sovetinin deputatı olub, 1998-ci ildə isə “Potensial” Sumqayıt Mütəxəssislər Birliyini təsis edib və hazırda həmin təşkilata sədrlik edir.

Sahib Fərzəliyev uzunmüddətli pedaqoji fəaliyyətinə görə 2016-cı ildə Azərbaycan Respublikası Təhsil Nazirliyinin “Qabaqcıl təhsil işçisi” döş nişanı ilə də təltif edilib. O, eyni zamanda müharibə veteranıdır və bir sıra orden və medallara layiq görülüb.

18-12-2025, 15:21 52