Bu gündən ölkə üzrə orta ixtisas təhsili müəssisələrinə sənəd qəbulu prosesinə start verilib.

Sumqayit.tv xəbər verir ki, tam (11 illik) və ümumi (9 illik) orta təhsil bazasında kolleclərə qəbul imtahanlarında iştirak etmək istəyən abituriyentlərin qeydiyyatı fevralın 18-dən martın 5-dək aparılacaq. Bu mərhələ ərizə qəbulunun birinci mərhələsini əhatə edir.

Məlumata görə, Dövlət İmtahan Mərkəzi tərəfindən ümumi (9 illik) orta təhsil səviyyəsi üzrə buraxılış imtahanları üç zona üzrə – aprelin 5-də, 12-də və 26-da, tam (11 illik) orta təhsil səviyyəsi üzrə isə iki zona üzrə – martın 9-da və 15-də keçiriləcək.

Zonalar üzrə şəhər və rayonların siyahısı ilə DİM-in rəsmi məlumatlarında tanış olmaq mümkündür.

Qeyd olunur ki, peşə liseylərinin məzunları imtahanlarını liseyin yerləşdiyi şəhər və rayon üzrə müəyyən olunmuş tarixdə verəcəklər. Sumqayıt və Abşeron ərazisində fəaliyyət göstərən peşə liseylərinin məzunları isə martın 9-da imtahana qatılacaqlar.

Bundan əlavə, aprelin 19-da əvvəlki illərin məzunları üçün 11 illik, mayın 17-də isə 9 illik təhsil bazasında kolleclərə qəbul imtahanlarının keçirilməsi nəzərdə tutulur.

Bu gün, 10:20 16