Sumqayıt şəhərində “Tam orta məktəb” layihəsi çərçivəsində fəaliyyət göstərəcək 37 nömrəli tam orta məktəbə fənn müəllimlərinin qəbulu elan olunub.

Sumqayit.tv xəbər verir ki, bu barədə məlumatı Abşeron-Xızı Regional Təhsil İdarəsi verib.

Bildirilib ki, yeni təhsil modeli əsasında fəaliyyət göstərəcək məktəb tam orta təhsil səviyyəsində təhsil alan şagirdlər üçün geniş imkanlar yaradacaq. Tədris prosesinin yüksək akademik göstəricilərə malik peşəkar pedaqoji heyət tərəfindən həyata keçirilməsi nəzərdə tutulur.

Məlumata görə, müsahibədə yalnız aşağıdakı tələblərə cavab verən müəllimlər iştirak edə bilərlər:

– MİQ, DQ və ya sertifikasiya imtahanlarında 85% və daha yüksək nəticə göstərən ali təhsilli müəllimlər.

Qeydiyyat müddəti 1 may 2026-cı il tarixinədək davam edəcək.

7-04-2026, 14:46 36