Yeni tədris ilindən etibarən Sumqayıt da daxil olmaqla ölkənin 5 şəhərində fəaliyyət göstərən məktəblərdə kağız jurnal sistemi ləğv ediləcək. Bunun əvəzinə “Rəqəmsal məktəb” platforması tam şəkildə tətbiq olunacaq.

Bu barədə Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov aprelin 28-də keçirilən brifinqdə məlumat verib.

Bildirilib ki, layihənin genişləndirilməsi nəticəsində daha 199 təhsil müəssisəsi “Rəqəmsal məktəb” platformasına qoşulacaq.

Yenilik sayəsində ümumilikdə 235 min şagird və 17 min pedaqoji heyət platformadan istifadə imkanı qazanacaq.

Yeni sistemin məktəblərdə idarəetməni asanlaşdıracağı, müəllim-valideyn əlaqəsini gücləndirəcəyi və təhsil prosesinin daha şəffaf aparılmasına töhfə verəcəyi gözlənilir.

Dünən, 22:32 14