Sumqayıt Dövlət Universitetində (SDU) vətəndaş qəbulu təşkil olunub.

Sumqayit.tv xəbər verir ki, qəbul zamanı vətəndaşların müraciətləri dinlənilib, onları maraqlandıran məsələlər ətrafında fikir mübadiləsi aparılıb.

Bildirilib ki, qəbulda ümumilikdə 21 vətəndaş iştirak edib. Müraciətlər əsasən təhsil, sosial və təşkilati məsələləri əhatə edib.

Qeyd olunub ki, səsləndirilən təklif və müraciətlər aidiyyəti istiqamətlər üzrə qeydə alınaraq araşdırılması üçün nəzarətə götürülüb.

Qəbul çərçivəsində qazilərlə də görüş keçirilib. Onların müraciətlərinə xüsusi həssaslıqla yanaşıldığı və sosial həssas kateqoriyadan olan vətəndaşların qaldırdıqları məsələlərin prioritet qaydada qiymətləndiriləcəyi bildirilib.

Universitet rəhbərliyi tərəfindən vətəndaş müraciətlərinə operativ baxılmasının və açıq kommunikasiya mühitinin formalaşdırılmasının əsas fəaliyyət istiqamətlərindən biri olduğu vurğulanıb.

Bu gün, 19:42 12