“Qədim Şuşa” adlı rəsm sərgisi keçirilib. Sərgi Təhsil Nazirliyinin dəstəyi, 2 nömrəli Uşaq-Gənclər İnkişaf Mərkəzinin Amerika Birləşmiş Ştatlarının Nyu-York şəhərində fəaliyyət göstərən uşaq və yeniyetmələrin “My Way” (Mənim yolum) Yaradıcılıq Mərkəzi ilə birgə əməkdaşlığı çərçivəsində baş tutub.
 
Sərginin keçirilməsində məqsəd Amerikada yaşayan uşaqlara Şuşa şəhərinin qədim tarixini tanıtdırmaq, iki mərkəz arasında dostluq əlaqələrini genişləndirmək, uşaq və gənclərin asudə vaxtlarını səmərəli təşkil etmək, onların yaradıcılıq qabiliyyətini və potensialını üzə çıxarmaqdan ibarət olub.
 
Sərgidə hər iki mərkəzin istedadlı dərnək üzvlərinin Şuşa şəhərinə həsr etdiyi rəsmlər nümayiş olunub, uşaqlar maraqlı rəqs nömrələri ilə çıxış edib.
 
Sonda iştirakçılar diplomlarla təltif olunub.